Recursos educativos sobre o lixo marino

By AdormiBIBLIO - 21.1.21

O Centro de Documentación Ambiental Domingo Quiroga, pertencente ao Centro de Extensión Universitaria e Divulgación Ambiental de Galicia – CEIDA- acaba de publicar unha Guía de Recursos Educativos sobre Lixo Mariño.

Esta publicación pretende poñer a disposición tanto dos profesionais da educación, como das familias, unha selección de documentos cos que traballar a problemática da contaminación mariña.

Numerosos estudos afirman, ademáis, que ata o 80% do lixo que chega aos océnos procede de actividades terrestres. Neste contexto, a colaboración activa de toda a sociedade é clave para loitar contra este problema e requírese dunha cidadanía informada e coñecedora da situación real desta problemática.

A guía, que está dispoñible para descarga na web do CEIDA, recolle unha selección de libros informativos, contos e novelas, infografías, vídeos, aplicacións móbiles, e outros materiais dirixidos ao alumnado de infantil, primaria e secundaria, mais tamén se poden atopar unha importante selección de documentos para o profesorado.

  • Share:

Tamén podes ler...

0 comentarios