Premio Nacional de Ilustración para Sonia Pulido

 

A ilustradora Sonia Pulido foi galardoada con Premio Nacional de Ilustración 2020, segundo anunciou o Ministerio de Cultura e Deportes. O xurado destacou "a súa ampla traxectoria a nivel nacional e internacional" e "a súa versatilidade" que abarca "case todas as áreas da ilustración: novela gráfica, ilustración editorial e publicidade”. Á súa vez, tamén destacou “o seu estilo persoal, entre a potencia e a fraxilidade, cunha estética que non só bebe de referentes do pasado, senón que é totalmente contemporánea”.