A biblioteca convoca un concurso de tarxetas de Nadal. Deixade voar a vosa imaxinación e facede un bo deseño. Lembrade que podedes empregar calquera dos idiomas impartidos no centro: galego, castelán, francés, latín, grego, ingles ou alemán.
Haberá dous premios para a ESO e dous para Bacharelato.
A data límite de entrega será o martes 5 de decembro e as tarxetas expoñeranse na biblioteca.
O mes de octubro rematou coa nosa mesa de novidades chea de libros relacionados coa temática do terror. Acompañáronnos algunhas cabazas e arañas coas súas teas, que daban un pouco de medo
O pasado 24 de octubro celebramos o Día Internacional das Bibliotecas no noso centro convidando aos nosos alumnos a libros. Sacamos unha das nosas mesas ao vestíbulo e ofrecemos libros de balde a quen os quixese levar. Temos que dicir, con moita satisfacción, que duraron bastante pouco.
Ademáis, puidéchedes desfrutar de fragmentos dalgúns dos libros favoritos dos nosos lectores expostos nas escaleiras, algúns deles moi ben ilustrados.
Se pinchades nas imaxes podedes ver máis fotografías dese día.
