A nosa biblioteca escolar, por estar integrada no PLAMBE (Plan de Mellora das Bibliotecas Escolares da Xunta de Galicia), conta cun novo servizo de préstamo de libros e contidos dixitais para todo o alumnado e persoal do centro. O catálogo conta cun volume inicial de máis de 300 títulos, dispoñibles para ler en pantalla en ata 6 dispositivos (computador e dispositivos móbiles).

O alumnado poderá obter en préstamo ata 2 títulos de xeito simultáneo, dun máximo de 10 títulos no presente curso escolar.

Este ano celébrase o centenario da actriz coruñesa María Casares (1922-2022), filla do que foi Presidente da República. A Biblioteca de Estudos Locais convídanos a conmemoralo compartindo connosco esta guía de lectura dixital:

Na última actividade do Club de Lectura de Manga tivemos a oportunidade de gozar dos mangas da colección do noso compañeiro César. Moitas grazas por darnos esa oportunidade de ter nas nosas mans verdadeiras xoias do xénero! 

Compartimos desde aquí o vídeo do programa informativo T.I.C TAC News, elaborado pola nosa alumna colaboradora da biblioteca, Raquel González Calvo, de 2º de Bacharelato D, que nos presenta ás Top Secret Rosies, nun traballo de visibilización da muller no mundo das TIC.

As Top Secret Rosies traballaron como programadoras do computador ENIAC, durante a 2ª Guerra Mundial.