No Día Mundial do Libro e do Dereito de Autor, A Consellería de Cultura, Educación e Universidade agasállanos con este díptico para conmemorar este día 23 de abril de 2021.
Como en anos anteriores, aunha persoa referente da literatura galega actual, neste caso a profesora, tradutora e poeta, Elvira Ribeiro, creou un texto orixinal cedido xenerosamente para esta pequena peza de difusión do Día do Libro, centrándose nas potencialidades da lectura e que nos agasalla esta evocadora afirmación:
"Talvez é ler un diamante de mil caras, un mar sen varandas."
Traemos a este blog un interesantísimo contido elaborado polo CPI Plurilingüe dos Dices (Rois-A Coruña): o telexornal adicado á figura homenaxeada no Día das Letras Galegas. Neste ano 2021, as nenas e nenos implicados nesta experiencia de alfabetización mediática traballaron sobre XELA ARIAS, baixo a dirección do profesor Luís Aldegunde, e presétannos un documento imprescindible para achegarnos á autora e a súa obra.
Moitas grazas á Asesoría de Bibliotecas Escolares por achegarnos este proxecto.
No seguinte vídeo pode asistirse a unha visita guiada á exposición “Miró. Una colección”, Na Fundación Barrié de A Coruña, a cargo de Joan Punyet Miró, neto do artista
A Facultade de Belas Artes de Pontevedra comparte con nós este vídeo informativo que nos presenta a facultade para todo o alumnado interesado en saber en qué consisten os seus estudos:
Na canle tv. uvigo.es, sección Grao en Belas Artes, teñen á nosa disposición outros dous vídeos que ofrecen información sobre as instalacións da Facultade. E na súa web pódese atopar información sobre plan de estudios, profesorado, programas Erasmus, etc.
Alumnado galardoado polos seus traballos sobre o amor
By IES Adormideras - 4.5.21
Como avanzamos na anterior publicación, eleximos os nosos favoritos entre todas as obras elaboradas nos proxectos "Loquimur de amore latine" e "En amorArte" e repartimos uns detalles de agasallo de parte do noso equipo de Biblioteca e os Departamentos de Latín e de Artes Plásticas.
As seguintes alumnas e alumno elaboraron os corazóns:- Pablo Gómez
- Raquel Pena
- Elba Meléndrez
- Martha Cristos
Os cadros versionando o amor foron pintados por:
- Paula de Salvador
- Olga Starikova
Un dos temas que máis nos gusta traballar nas nosas actividades é o do amor. A exposición que vos traemos hoxe recolle traballos elaborados desde os departamentos de Latín e de Artes Plásticas.
O alumnado de Latín de 4º de ESO elaborou estes creativos corazóns con mensaxes nesta fascinante lingua porque "Loquimur de amore latine" ("En latín tamén falamos de amor").
O de Técnicas de expresión gráfico plástica de 2º de Bacharelato, pola súa parte, pintou en acrílico e óleo as súas personais versións de obras de arte adicadas ao amor.
Nunha próxima publicación compartiremos as obras que levaron un agasallo da nosa parte e o alumnado que as elaborou.
O noso alumnado de 2º de Bacharelato de Artes mira os libros con ollos de artistas plásticos. Por iso, un dos traballos que máis lles gusta consiste en ilustrar os seus textos favoritos construindo mundos visuais a través do que lles suxiren palabras dos seus autores.
Para celebrar o Día do Libro, este curso sumámonos á proposta da Asesoría de Bibliotecas Escolares, CREAcción, que promove unha acción creativa relacionada co lema deste curso, a construción da persoa lectora a través da creatividade que se desenvolve con recursos diversos.
- A primeira fase do proxecto consistiu en seleccionar os textos, a través de fondos aportados pola biblioteca. O alumnado propuxo os seus libros favoritos e entre todos eleximos tres libros de narrativa de diferentes xéneros, estilos, épocas e orixes (faltounos a variedade nas linguas).
- A segunda fase consistiu en traballar sobre os extractos seleccionados de cada libro pola profesora, para elexir as ideas sobre as que interesaba traballar.
- Nunha terceira fase, afondamos nos coñecementos que xa levamos traballados durante o curso sobre o tema da ilustración, a través de material audiovisual que trataba o tema.
- Na cuarta fase traballamos a posta en imaxes das ideas, a través do debuxo e as técnicas de pintura propostas para este traballo (acuarela e pastel).
- Unha vez contamos cunha selección de traballos, pasamos a facer a locución dos textos e seleccionamos a música máis axeitada de entre as pezas que pon á nosa diposición un dos nosos alumnos.
- Finalmente móntase o vídeo que recolle as imaxes, os textos lidos e a música, que a continuación vos amosamos.
Presentámosvos algunhas das propostas deste ano para conmemorar o Día do Libro. Estade atentos tamén á próxima entrada que publicaremos podedes ver no blog.
- O alumnado de 1º ESO B, que dan clase rodeados dos nosos libros, escribiron e leron as súas propias lendas na materia de Lingua Galega e as leron así de ben ambientados:
- Regalamos marcadores que chegaron a nós a través das librerías da zona, das editoriais e da Asesoría de Bibliotecas Escolares:
A nosa alumna de 1º de Bacharelato, Raquel González Calvo, está elaborando un traballo de investigación sobre como chega ao alumnado a información dos medios de comunicación sobre a covid-19 e as vacinas. Na elaboración do traballo conta coa colaboración do profesorado do Departamento de Filosofía e solicita a do alumnado do centro para respostar tras preguntas moi sinxelas no formulario que adxuntamos a continuación.
Moitas grazas pola vosa axuda!
Este ano imos un pouco tarde publicando o Calendario do Libro e da Lectura de Galicia, que publica a Xunta de Galicia. A ilustración deste de 2021 foi elaborada por Javi Montes. Podedes atopar os deseños de anos anteriores aquí e na imaxe correspondente da barra lateral.
Autor Javi Montes
Unha das actividades organizadas este curso polo equipo da Biblioteca, tróuxonos ao centro a exposición de Isaac Díaz Pardo no Museo Gaiás, que vos presentamos nesta entrada.
A través de imaxes, grabacións audiovisuais, entrevistas, etc., o alumnado de 2º Bacharelato F e G tivo a oportunidade de coñecer a figura deste personaxe tan importante para a cultura e as artes galegas, que nos deixou herdanzas tan importantes como a cerámica de Sargadelos, o Laboratorio de Formas e a editorial Edicións do Castro.
A actividade contou coa colaboración do Departamento de Artes Plásticas e o Equipo de Dinamización da Lingua Galega.
Para reivindicar o papel da muller na sociedade e nas nosas vidas, o noso alumnado realizou unha serie de actividades que deron como resultado cadros e carteis e vídeos que puidestes ver expostos na entrada do instituto, acompañando a unha selección bibliográfica dos nosos fondos.
- A mostra "Mulleres como elas, mulleres como nós" recompila retratos de mulleres pintados polo alumnado de 2º de Bacharelato, en Técnicas de Expresión Gráfico-Plástica. Nela podemos ver a moitas mulleres moi importantísimas nas nosas vidas: nais, irmás, amigas, e mesmo autorretratos das propias alumnas, realizados en acrílico, tinta chinesa, grafito, cera...
- Outra das actividades levadas a cabo en Deseño foi o traballo de investigación levado a cabo sobre unha proposta de mulleres destacadas da historia do deseño, a meirande parte delas non suficientemente coñecidas e valoradas.
- Na vitrina de exposicións da entrada, recompilamos libros de mulleres e sobre mulleres e feminismo, algúns deles. A meirande parte deles aquisicións recentes, adquiridos a través da partida económica adicada a Igualdade que nos concederon o ano pasado.
Na seguinte presentación podedes ver unha visión xeral das distintas exposicións.
No blog do instituto AdormiBlog, podedes ver tamén unha actividade organizada desde Vicedirección, a través das profesoras de Debuxo Artístico, María e Marisa, para participar no Certame Ilustradas.
Compartimos a primeira páxina de referencia sobre a figura de Isaac Díaz Pardo: a súa vida, amizades, obra, o Laboratorio de Formas, empresas como Sargadelos...
Extracto da Guía para centros educativos á que podedes acceder desde aquí:
Os datos persoais son calquera información referente a persoas físicas identificadas ou identificables.
Pode ser identificable toda persoa cuxa identidade poida determinarse mediante un identificador (por exemplo, un nome, un número de identificación, datos de localización ou un identificador en liña) ou mediante o uso dun ou varios elementos propios da identidade física, fisiolóxica, xenética, psíquica, económica, cultural ou social.
Exemplos de datos persoais son: o nome e apelidos; o D.N.I./Pasaporte; a sinatura; a dirección de correo electrónico nominativo ou persoal; o número de teléfono; o domicilio; a dirección IP; a matrícula do vehículo; a imaxe ou voz dunha persoa; a información económica ou patrimonial; o estado de saúde física ou mental; os datos biométricos (pegadas dixitais, iris do ollo, ADN...); a ideoloxía; a información obtida da navegación na internet (cookies); etc.
A normativa en materia de protección de datos persoais non regula o tratamento de datos das persoas xurídicas, en particular as empresas constituídas como sociedades mercantís respecto ao seu nome ou razón social ou datos de contacto.
Tipoloxía dos datos persoais
Pódense distinguir, entre outros, os seguintes tipos de datos persoais:
• Datos identificativos: nome e apelidos, DNI, nº da Seguridade Social ou tarxeta sanitaria, dirección, teléfono, firma/pegada, imaxe/voz...
• Datos de natureza penal.
• Datos de infraccións e sancións administrativas.
• Datos de categorías especiais: Orixe étnica ou racial; opinións políticas; conviccións relixiosas ou filosóficas; afiliación sindical; datos xenéticos; datos biométricos dirixidos a identificar de maneira unívoca a unha persoa física; datos relativos á saúde incluíndo posibles discapacidades e datos relativos á vida sexual ou a orientación sexual.
• Datos de circunstancias sociais: características da vivenda; situación familiar; propiedades; posesións; afeccións e estilo de vida; pertenza a clubs e asociacións; licenzas, permisos e autorizacións.
• Datos de características persoais: datos de estado civil; idade; datos de familia; sexo; data de nacemento; nacionalidade; lugar de nacemento; idioma; características físicas ou antropométricas.
• Datos académicos e profesionais: formación; titulacións; expediente académico; experiencia profesional; pertenza a colexios ou asociacións profesionais.
• Datos detalle de emprego: corpo/escala; categoría/grao; postos de traballo; datos non económicos de nómina; historial do traballador.
• Datos económico-financeiros e de seguros: ingresos, rendas; inversións, bens patrimoniais; créditos, préstamos, avais; datos bancarios; plans de pensións, xubilación; datos económicos de nómina; datos deducións impositivas/impostos; seguros; hipotecas; subsidios, beneficios; historial créditos; tarxetas crédito, etc.
• Datos de transaccións: bens e servizos subministrados pola persoa afectada; bens e servizos recibidos pola persoa afectada; transaccións financeiras; compensacións/indemnizacións; etc.
Que é un tratamento de datos persoais?
Calquera operación ou conxunto de operacións na que estean presentes datos persoais constituirá un tratamento de datos, que poderá ser manual ou automatizado (total ou parcialmente).
Constitúen un tratamento de datos persoais, entre outras, as seguintes actividades: a recollida dos datos; o rexistro; a organización; a estruturación; a conservación; a adaptación ou modificación; a extracción; a súa consulta ou utilización; a comunicación dos datos por transmisión, difusión ou calquera outra forma de habilitación de acceso, cotexo ou interconexión; a limitación e a supresión ou destrución dos datos.
Normativa relacionada:
REGLAMENTO (UE) 2016/679 del Parlamento Europeo y del Consejo, de 27 de abril de 2016
Relativo á protección das persoas físicas no que respecta ao tratamento de datos personais
Artículo 8.1. “En relación con la oferta directa a niños de servicios de la sociedad de la información, el tratamiento de los datos personales de un niño se considerará lícito cuando tenga como mínimo 16 años.” (...)
LEY ORGÁNICA 3/2018, de 5 de diciembre, de protección de datos personales y garantía de los derechos digitales
Artículo 7.1. "El tratamiento de los datos personales de un menor de edad únicamente podrá fundarse en su consentimiento cuando sea mayor de 14 años”(...)
Recursos de innovación educativa a través de Voz Natura, que colaboran connosco a través do proxecto do noso xardín.
O Prado Efémero, que recolle diversos tipos de impresos efémeros como entradas, folletos, carteis, billetes, etc. iniciouse en 2019, con motivo do bicentenario da pinacoteca, e non deixa de crecer grazas ao traballo de investigación e dixitalización do museo.
Estes documentos non foron considerados importantes a nivel económico ou artístico no seu momento, polo que non existía un arquivo especializado para a súa conservación. Actualmente este tipo de impresos adquiriron un valor propio con ramificacións sociais, culturais, históricas, artísticas e mesmo económicas.
A unha parte do noso alumnado gustaríalles enfocar os seus estudos futuros hacia o Deseño de Interiores para ser futuros interioristas, por iso parécenos interesante compartir convosco esta recompilación de interioristas destacados do 2021 segundo a revista AD.
Esta semana celebramos o aniversario do nacemento do poeta Lois Pereiro e o próximo mes de maio conmemoraremos os 25 do seu falecemento. En 2011 adicóuselle o Día das Letras Galegas. As cifras quédanse curtas para falar dun poeta ao que o Equipo da Biblioteca lle temos especial cariño.
Non vos perdades os vídeos homenaxe que estes días está publicando o Ateneo Casino desde a súa terra nai, Monforte de Lemos, nos que moitos personaxes coñecidos da cultura galega interpretan os seus poemas.
Sé genial é unha ferramenta de Google, para axudar aos máis pequenos a aprender os conceptos fundamentais de cidadanía dixital e seguridade e que poidan explorar con confianza o mundo en liña.
