Celebrar o amor é unha das actividades que máis nos gusta do ano. O amor entre iguais e entre persoas moi diferentes, o amor aos amigos, á nosa familia, o amor romántico que nos fai felices e mellores persoas, o amor aos animais e ao medio ambiente, o amor ás artes... Moitos amores e moito amor, non só nos días especiais, mais tamén no día a día. Que máis podemos desexar?
Empezamos conmemorando esta festividade adicada ao amor cunha exposición de libros e películas que se poden atopar na nosa biblioteca.
Poucas cousas nos poden gustar máis que compartir o traballo levado a cabo por unha antiga alumna nosa e que éste veña en forma de libro ilustrado.
Noe González Caamaño é a ilustradora autora de Ola! Son un bicho bóla! Estudou con nós hai poucos anos e agardamos que éste sexa o principio de unha prolífica carreira como ilustradora.
Temos que facernos cun exemplar para a nosa biblioteca, para inaugurar a próxima sección que inauguraremos de álbum ilustrado.
Para celebrar o Día da Ilustración coa nosa Biblioteca, podes visitar a exposición de libros ilustrados nas mesas da zona de exposicións.
O venres 7 o noso alumnado de 2º de Bacharelato asistirá a unha charla que nos chega da man da Asociación Galega de Profesionais da Ilustración, AGPI. A ponente será Julia Lago (@quepasajulia), que cursou o Bacharelato de Artes connosco hai xa uns anos. Que ganas temos de escoitar todo o que nos ten para contar!
E, por suposto, podes seguir as distintas publicacións que lle adicamos no blog a esta data tan destacada para un centro de artes coma o noso.
