Temos xa en marcha o noso tradicional concurso de microrrelatos de medo, unha iniciativa do Equipo de Dinamización da Lingua Galega, no que colabora tamén o Equipo da biblioteca. Animádevos a participar coas vosas historias!
Dende 1997 celébrase o Día das Bibliotecas o 24 de outubro, unha conmemoración impulsada pola Asociación de Amigos del Libro Infantil y Juvenil á que se foron sumando, xa dende hai algún tempo, o propio Ministerio de Cultura e todas as administracións autonómicas.
A Dirección Xeral do Libro e Fomento da Lectura, a través da Subdirección Xeral de Coordinación Bibliotecaria, impulsa a celebración do Día das Bibliotecas, este 24 de outubro de 2021. "A edición deste ano, baixo o lema “Bibliotecas: ler, aprender, descubrir” céntrase en destacar o papel das bibliotecas de diferente tipoloxía como espazos libres, diversos e abertos para o acceso á cultura e o coñecemento, a partir da lectura e do conxunto de recursos que permiten a aprendizaxe e posibilitan o descubrimento doutras ideas, outras persoas, outras culturas e outros mundos."
En Galicia, o lema que este ano nos une a todas as bibliotecas escolares é A BIBLIOTECA ESCOLAR TEN A PALABRA, quere poñer o foco na palabra e a oralidade.
A imaxe que interpreta este lema proposto para o curso 2021-2022 é obra do ilustrador, escritor, deseñador e artista visual Pablo Otero.
Facemos chegar desde aquí a toda a comunidade educativa unha enquisa elaborada por alumnado de 2º BAC B, para axudarlles a realizar un traballo sobre violencia de xénero, para a materia de Psicoloxía.
Grazas no seu nome!
Pinchar na imaxe ou no enlace de abaixo para ir á enquisa:
