Para celebrar o Día do Libro temos en marcha unha proposta á que vos invitamos a todos, familias, alumnado e persoal do centro, a que participedes. No texto de abaixo podedes ver en que consiste. Pouco a pouco iremos compartindo a través de Instagram e Facebook as imaxes que nos van chegando. Encántanos ver que aproveitades estes días para ler un pouco máis:

Miguel Ángel Izaguirre Cahue, ✝12/04/2020

SIT TIBI TERRA LEVIS, querido compañeiro Miguel. Que a terra che sexa lixeira.

Durante moitos anos fuches o capitán desde barco no que estamos os membros do Equipo da Biblioteca. Xunto coa túa muller Mila, protagonizaches un dos cambios máis importantes que vivimos, coa nosa entrada no programa PLAMBE, que tanto positivo nos trouxo. Trouxéchesnos tamén alegría co teu sentido do humor, que facías patente en datas como o Entroido...

Deixas unha grande pena entre nós, pero tamén o gozo de ter compartido estes anos de traballo contigo.

Grazas por todo, compañeiro.

Ata sempre.

Hoxe celebramos o Día da Terra. Pasamos uns momentos divertidos xohando con este doodle de Google, adicado ás abellas. Se queredes saber máis sobre a celebración do día, visitade este enlace.