Feliz Día das Letras Galegas 2020!

By AdormiBIBLIO - 17.5.20

Fonte: Gadis

Este curso estamos celebrando algúns dos nosos días máis queridos desde as nosas casas, como o día grande da nosa lingua e literatura, o Día das Letras Galegas. Pero non vos preocupedes, que cando nos incorporemos ao centro, volveremos ter a oportunidade de homenaxear todos xuntos ao escritor ao que se lle dedica o día este ano, Ricardo Carvalho Calero.

A Real Academia Galega decidiu pospoñer a sesión académica do 17 de maio para o 31 de outubro, un día despois do 120 aniversario do nacemento de don Ricardo, para daquela poder celebralo con todos os honores.

De momento, iremos amosándovos unha serie de recursos para que coñezades mellor a este escritor e intelectual galeguista, que agardamos que vos gusten.

Empezamos por presentarvos unha animación que fala da súa vida e obra:



Continuamos cunha intervención de don Ricardo no programa "Pasou o que pasou", da TVG falando da nosa lingua:



E podedes continuar dirixíndovos ao blog do instituto, onde podedes ver unha mostra de carteis onde podedes profundar máis na súa figura.

Moi feliz día e seguide atentos!






  • Share:

Tamén podes ler...

0 comentarios