O Prado Efémero

O Prado Efémero, que recolle diversos tipos de impresos efémeros como entradas, folletos, carteis, billetes, etc. iniciouse en 2019, con motivo do bicentenario da  pinacoteca, e non deixa de crecer grazas ao traballo de investigación e dixitalización do museo.

Estes documentos non foron considerados importantes a nivel económico ou artístico no seu momento, polo que non existía un arquivo especializado para a súa conservación. Actualmente este tipo de impresos adquiriron un valor propio con ramificacións sociais, culturais, históricas, artísticas e mesmo económicas.