QUEN SOMOS

A nosa biblioteca está situada na planta baixa do centro, accesible desde o vestíbulo e conta con diferentes espazos de lectura e traballo.

Durante o curso 2021-22, o grupo de apoio da biblioteca está formado por María Alonso Espasandín, Gema Cilleros Cembellín, Pilar Espido, Paula Gómez Gómez, Inés Sánchez Pereiro, Carmen Tembrás Alonso e Montserrat Llamas Blanco (coordinadora). Contamos tamén cun equipo de alumnado axudante voluntario, a través do Programa de Bibliotecas Escolares Solidarias.


En todos os anos de vida do centro a biblioteca ten pasado por diferentes etapas. Neste momento, e desde o ano 2014, contamos cun Plan de mellora de bibliotecas escolares (PLAMBE), da Xunta de Galicia. Tentamos traballar en proxectos de colaboración cos distintos departamentos e desenvolver actividades en prol do fomento da lectura e a alfabetización do uso da información. Temos establecido un Club de Lectura, formado por diferentes grupos de alumnado e profesorado, dependendo do curso.

Os nosos espazos están en constante evolución, para adaptarse ás diferentes propostas de cada ano. A continuación podedes facer un percorrido visual por algúns deles aquí. 

  • Share: